Co mes de outubro chega tamén o tempo das castañas e con el os magostos, unha cita especialmente destacada na Rúa Vella que tralo éxito da pasada edición que reunía a unhas 300 persoas, estase xa preparando para a XVII Festa do Magosto prevista para o 22 de outubro a partir das 20:30 horas na praza do Arroyo.
O prezo da entrada será de 10 euros e o menú constará de bolo preñado, pizza, biscoitos, bullotes, auga e viño. A venda de entradas será anticipada ata este mércores 19 de outubro nos seguintes establecementos: Bar de San Roque, Peluquería Esencia, O Colmado, Panadería Lorenzo, Bar O’Novo Café, Artesanos Peyma, O Café e A Cervecería.
