Apenas unha semana despois de participar na II Copa de España de Estilos de Karate celebrada en Torrelavega (Cantabria) onde conseguían varios podios, os pequenos do KC River Stone do Barco volvían saír de viaxe para unha nova competición, desta volta no Pazo Municipal de Deportes de Vista Alegre en Córdoba.
Acompañados polo mestre, Nicolás Rodríguez, Manuel Blanco, Leyre Paradelo, Nazan Barreda, Aina Moral, Cloe Yáñez e Hugo Álvarez forman parte da selección galega que competirá na modalidade de kata no 44 Campionato de España Infantil de Karate que se celebrará esta fin de semana (23 e 24 de abril).
Outro membro do club barquense, Lucía Herrero, tamén viaxa ata Córdoba pero no seu caso como adestradora, na modalidade de kumite.