O intenso periplo dun xeneral para entrar a Portugal pola raia e logo voltar a España por Estremadura no contexto do “alzamento militar” de 1936 é a trama en torno a que se desenvolver “Amigo miedo” (Ediciones La Discreta) do escritor Xavier López Rodríguez, natural de Hermisende (Zamora).
Este libro presentábase na tarde do 29 de outubro na Biblioteca Pública Municipal de Verín. Ademais do autor, neste acto participaba o entógrafo José Rodríguez Cruz, da Gudiña.
Esta presentación formaba parte do programa de actos que esta biblioteca organizaba ao longo do mes de outubro con motivo da celebración o pasado día 24 da xornada Internacional da Biblioteca. As actividades completaranse o día 30 con “Samhain na Biblioteca”, contacontos e manualidades para socios/as (de 3 a 9 anos).