DeportesÚltima hora

Xiana Pungín, atleta do Adas, dobre campioa de España nos nacionais de promesas paralímpicas

Ademais lograba o subcampionato na proba de salto de lonxitude nesta cita, celebrada en Toledo na pasada fin de semana

 

Nos Campionatos de España Liberty de promesas paralímpicas de atletismo, que se celebraba a pasada fin de semana en Toledo, a atleta valdeorresa Xiana Pungín Estévez, do Club Adas, lograba dous títulos.

Así proclamábase campioa de España nas probas de 100 m e de 300 m, ademais de ser subcampioa na proba de lonxitude. “A nosa bravísima atleta melloraba a súa marca de 300 e 100 m , así como a marca de lonxitude”, destacaban dendeo Club Adas do Barco, cualificando ademais de “enorme campionato o realizado por Xiana. Un orgullo para o noso club e para Valdeorras”.

Esta competición reunía na pista de atletismo da Escola de Ximnasia de Toledo a un cento de participantes en categorías Sub-10, Sub-12, Sub-14, Sub-16, Sub-18 e Sub-20.

Fotos cedidas.

Artigos relacionados

Back to top button