A Casa Grande de Viloira (O Barco) acollerá o vindeiro 8 de abril ás 16h. unha xornada formativa para coñecer as últimas regulacións e prácticas en materia de facturación electrónica. A iniciativa está organizada por AEVA, “que reafirma o seu compromiso ao ofrecer unha serie de novas iniciativas e programas, nun esforzo continuo por apoiar o crecemento e desenvolvemento dos empresarios comarcais”, tal e como sinala a asociación.
O relatorio de expertos do Grupo Solitium, titulada “Factura electrónica: Novas formas de facturación. Novas tecnoloxías e lei crea e crece” busca brindar unha visión profunda e esclarecedora sobre os cambios e desafíos ao redor da factura electrónica.
A xornada centrarase na nova normativa da factura electrónica, abordando temas como:
• Fundamentos e elementos crave da factura electrónica.
• Implicacións xurídicas e regulación de novas obrigacións.
• Automatización da emisión e recepción de facturas.
• Impacto da lexislación “crea e crece” nas prácticas de facturación.
• Obrigatoriedade do uso de factura electrónica e requisitos como o código QR.
• Prazos e proceso de implantación.
• Funcionamento práctico e tecnolóxico.
• Sancións por falta de cumprimento das regulacións de facturación electrónica.
Os interesados en participar nesta xornada formativa deben reservar a súa asistencia completando un formulario de inscrición. A data límite para inscribirse é o vindeiro venres 05 de abril ás 15:00 horas.
