O programa do IX Encontro de Cacharreiros de Niñodaguia, que se celebrará do 11 ao 13 agosto, presentábase esta mañá na Deputación de Ourense nun acto no que participaban o deputado provincial de Turismo, Rosendo Fernández; así como Carlos Gómez, alcalde de Xunqueira de Espadanedo; Agustín Vázquez, presidente da Asociación Cultural Amigos do Barro de Niñodaguia; e Mónica Blanco, responsable do Museo de Olería de Niñodaguia.
Este evento contará con artesáns invitados de Galicia e Portugal e entre as actividades previstas nel destacan visitas guiadas ao Museo Obradoiro de Olería de Niñodaguia, obradoiros infantís, exhibicións de diferentes oficios artesáns e visitas aos fornos tradicionais de Niñodaguia.
Ademáis, o programa completarase cun concerto, o venres día 11 ás 21:00 horas, a cargo de Rocío Caamaño, nas instalacións do museo.
