Destinará 250.000 euros a través da Consellería de Medio Ambiente
A praza do Bispo Carrascosa da Colexiata de Santa María de Xunqueira de Ambía será restaurada pola Xunta. O organismo autonómico destinará a través do departamento de Medio Ambiente unha partida duns 250.000 euros para levar a cabo as actuacións, que se enmarcan dentro do Plan Hurbe. O alcalde, José Luís Gavilanes, asinou o convenio coa conselleira, Beatris Mato, para formalizar a colaboración.
As obras afectarán aos espazos da praza, o adro da colexiata e o estremo nordeste da praza San Rosendo. O obxectivo é manter e conservar o entorno da colexiata, declarada Monumento Histórico-Artístico e Ben de Interese Cultural.