Ás 9h. deste domingo 23 de xullo abrían as súas portas as 539 mesas electorais que se constituían na provincia de Ourense para esta xornada de eleccións xerais cuxos resultados conformarán o novo Congreso dos deputados e tamén o Senado. En total 252.827 ourensáns están chamados ás urnas nesta provincia. Os colexios electorais pecharán as 20h. a partir de aí comezará o escrutinio.
Haberá que agardar ata o mediodía para coñecer os datos de participación da mañá, pero a estas horas xa foron moitas as persoas que depositaron o seu voto nas urnas tanto ao Congreso como ao Senado.
