En bicicleta, en patíns e en karts. Son os tres medios de transporte utilizados polos cativos na mañá do 15 de xuño no circuíto de Educación Viaria desevolvido no patio do CEIP Bibei de Viana do Bolo.
No marco do Plan Proxecta de Mobilidade Sostible Segura do centro escolar vianés e da man da DGT, os alumnos do CEIP Bibei, os de 1º da ESO do IES Carlos Casares e os do colexio de Vilariño de Conso, desfrutaron dunha mañá de clases prácticas (completando o circuíto instalado no patio con todo tipo de sinalizacións) e teóricas cunha charla informativa.
Na xornada colaboou a Garda Civil, a Policía Local, Protección Civil de Viana e A Gudiña, Os Bombeiros e Cruz Vermella Viana Conso-Frieiras que impartiu dous obradoiros: un de xogos e outro de RCP (primeiros auxilios).
Fotos: CEIP Bibei.