“Viramos tolos pola tele”, no Barco

“Viramos tolos pola tele” é unha sucesión de esceas que, en clave de humor, parodian os magazines de televisión e o seu gran abano de contidos. Trátase dun espectáculo dinámico protagonizado por catro actores galegos: Xosé Touriñán, Marcos Pereiro, Pepo Suevos e Federico Pérez.

Ao longo de hora e media van enfiando monólogos, diálogos, tertulias, videos, música… protagonizados por unha chea de personaxes disparatados. Desta singular proposta podía desfrutarse na tarde do 13 de xuño no Teatro Lauro Olmo do Barco.

Ao día seguinte, 14 de xuño, este mesmo espectáculo recalaba na Casa da Cultura de Allariz.