Pasadas as 20h. deste 11 de outubro rexistrábase un novo accidente de tráfico en Valdeorras. Desta volta tratábase dunha saída de vía dunha moto na estrada que comunica a localidade de Lentellais co Bolo. Concretamente o sinistro tiña lugar na recta na que se atopa a granxa escola A Capilla.
Ata o lugar do suceso desprazábanse de inmediato os bombeiros do Grupo de Emerxencias Supramunicipal (GES) Valdeorras, así como o 061 Urxencias Sanitarias e a Garda Civil de Tráfico. O condutor da motocicleta, que resultaba ferido, era traslado en ambulancia para recibir atención sanitaria.