Cada vez queda menos para a data e os equipos valdeorreses seguen sumando apoios á Carreira das Cidades contra o cancro de páncreas de Vilamartín que se celebrará o vindeiro 29 de outubro.
Nesta ocasión eran as rapazas do Rúa-Valdeorras Fútsal as que lucían a camiseta morada xunto antes do inicio do partido ante o 5 Coruña FS disputado na tarde deste sábado 21 de outubro no pavillón municipal da Rúa.
Trala vitoria (2-3) da pasada xornada na cancha do Compostela, a primeira no que vai de tempada, as rapazas de Rosendo Durán saltaban ao parqué moi motivadas e con ganas de repetir, pero non pudo ser. Pelexaron todo o que puderon pero as coruñesas, veteranas nesta competición non lles deron opción, rematando o encontro cun contundente 1-10. O gol local era obra de Marta no minuto 32.
A seguinte xornada levará ás valdeorresas ata terras pontevedresas para xogar contra o CD Mosteiro Bembrive “B”.
Fotos e vídeo: Mónica G. Bellver.