Excelentes resultados dos deportistas do Barco na xornada deonte nos Xogos do Eixo Atlántico en Famalicao-Braga (Portugal) con varias medallas obtidas pola delegación barquense en diferentes competicións de Atletismo celebradas na xornada o martes 2 de xullo.
Sergio Fernández lograba a prata en lanzamento de peso; Tania Peláez o bronce en 100 metros lisos; Aaron Pérez o ouro en 100 metros lisos. En ruta, o equipo formado por Mateo Valcarce, Saúl Crespo, Xoel Pungín e Lucas Valcarce, facíanse con outro ouro.
