Os seguidores de Sergio Dalma terán que esperar ata o 18 de xaneiro do 2025 para gozar do seu novo show en Ourense. O Auditorio Municipal acollerá un concerto do artista que acumula máis de catro millóns de copias vendidas nestes máis de 30 anos, repletos de éxitos que forman parte do imaxinario nacional.
Dalma, un dos artistas imprescindibles para o panorama musical nacional, volve cun novo álbum inédito titulado Sonríe porque estás en la foto. Un novo disco co que o artista celebra con vitalidade e alegría a súa impresionante traxectoria musical.
Quixo transmitir nas súas novas cancións o vitalismo e actitude que lle caracterizan nesta época da súa vida. O resultado é un son fresco e certamente oitentero, tremendamente pegadizo, rexistro co que se sente moi cómodo, pero sen perder o “estilo Dalma” das grandes baladas que lle caracterizan.
Os temas do seu novo traballo e os que lle acompañaron durante todos estes anos compoñerán o repertorio dos concertos da súa xira. Todo iso para celebrar a traxectoria dun artista que, tras trinta e catro anos de carreira, continúa sorrindo e “estando na foto”. Un “marabilloso percorrido” que Sergio Dalma regala no seu directo, para bailar, emocionarse e sobre todo sorrir.
As entradas á venda a través de Ataquilla.com.
Fotos: Facebook Sergio Dalma.
