Ao redor da mesa, coma sempre, comezaban o Sábado de Entroido os veciños de Fradelo (Viana do Bolo). No mediodía deste 1 de marzo xuntábanse para celebrar a Festa do Xato, cun menú a base desta carne producida na zona e asada no forno comunal. Despois, viñan as sobremesas e os licores.
Pola tarde, ao escurecer, os folións de Carracedo da Serra (A Gudiña) e o Os Labregos (A Pobra de Trives) visitarán Fradelo para dar a xa tradicional ronda pola aldea que rematará cunha merenda agasallo dos anfitrións. “Facémolo todo coma sempre”, aseguran dende o Folión de Fradelo que mañá teñen unha cita no Domingo Gordo de Viana do Bolo.
Fotos cedidas.
