Na madrugada deste mércores 26 de marzo, producíase un accidente frontolateral entre dous turismos que deixaba catro persoas feridas en Maside, segundo informan dende o 112 Galicia, indicando que o suceso tiña lugar no quilómetro 25 da N-541, en Amarante, provocando “un incendio nun asento e no circuíto eléctrico dun dos vehículos, que foi extinguido rapidamente polos veciños”.
O 112 Galicia tivo constancia deste sinistro minutos antes das seis da mañá, a través dun particular que explicou que “dous coches acababan de colidir frontolateralmente e que posiblemente houbese persoas atrapadas”. Os servizos de emerxencias “descartaron esta posibilidade cando chegaron ao punto, aínda que confirmaron que os coches obstaculizaban a circulación e, finalmente, comunicaron que catro persoas precisaron ser atendidas polos servizos sanitarios”, puntualizan dende o 112.
Neste operativo participaron Urxencias Sanitarias de Galicia-061, os Bombeiros do Carballiño, a Garda Civil de Tráfico, a Policía Local e o Servizo Municipal de Protección Civil do Carballiño.
