Na xornda do sábado 3 de maio celebrábase no pavillón universitario Lydia Valentín de Ponferrada (León) un Open Internacional de Artes Marciais e Deportes de Contacto no que participaban 600 atletas procedentes de diferentes partes de España, Portugal, Brasil e México entre os que figuraban 5 loitadores valdeorreses adestrados polos irmáns Pardo nas instalacións do Ximnasio VALSPORT.
A competición, valedeira para os Campionatos de Castela e León de Deportes de Contacto desenvolvíase nas disciplinas de Muay Thai, Kick Boxing, K1, Full Contac, MMA, Jiu-Jitsu (Gi &/ NO-GI), Loita Olímpica e Capoeira, en todas as categorías, con moi bos resultados para os púxiles valdeorreses.
- Leo Pérez Pereira (Club Kickboxing Valdeorras), medalla de prata en Kick-Light -48 kilos.
- Lucas Domínguez Díaz (Club Kickboxing Valdeorras), medalla de prata en Kick-Light -50 kilos.
- Ramón José Núñez García (Club Kickboxing Valdeorras), medalla de Prata en Muay Thai -67 kilos.
- Alejandro Menéndez (Graíño Team O Barco), medalla de prata en MMA (peso Gallo) -61,2kilos.
- Marcos Gabriel Xavier (Graíño Team O Barco), medalla de ouro en MMA (peso Welter) -77,1 Kilos.
Moi bos resultados para os dous clubs barquenses que “brillaron e destacaron a un grandísimo nivel”, aseguran orgullosos os adestradores.
Fotos e vídeo cedidos.
