Co obxectivo dar a coñecer os municipios que integran o Eixo entre os estudantes e docentes, o Eixo Atlántico promove os Intercambios Escolares entre os municipios de Galicia e do Norte de Portugal.
Neste curso 2024/2025 participarán, 14 alumnos de 5º e 6º de Primaria do Grupo de CEIP Coelho e Castro, Fiães, Santa Maria da Feira, de Vila Real (ademais de 2 profesores e 2 técnicos do Concello) e 26 do CEIP Plurilingüe Julio Gurriarán do Barco de Valdeorras (con 2 profesores e 1 técnico do concello), un total de 47 persoas que compartirán os días 14 e 15 deste mes de maio, un completo programa de actividades con recepcións, visitas e xogos.
O grupo de Santa María da Feira chegará ao colexio Julio Gurriarán o mércores ás 12 horas onde terán unha recepción. A partir de aí, os alumnos dos dous centros compartirán as actividades deste intercambio que serve tamén para “difundir o patrimonio das cidades (cultural, natural, inmaterial) e transmitir aos estudantes o valor de conformarmos un espazo único eurorrexional, así como a realización de experiencias didácticas que potencien o uso do como recurso educador”.
