A Biblioteca Florencio Delgado Gurriarán do Barco acollía na tarde do 26 de xaneiro a presentación do libro “Josefa Álvarez Quiroga. Memorias dunha nena da Guerra”, no que a vilamartinesa Charo Álvarez Álvarez recolle a historia vital da súa nai, de 95 anos, e a represión que sufriu no contexto da guerra civil por ser republicana.
No volume fálase das súas vivencias de nena e moza, contando o seu desterro a Lodosa (Navarra), que a afastou da súa familia. O acto interviñan Francisco Cobo, Félix García, Lúa Álvarez e Charo Álvarez, ademais de Josefa Álvarez.
Fotos: Carlos G. Hervella.