Numerosas persoas participaban a partir das 20h. deste 12 de setembro no acto inaugural de “A Cova da Capitana”, un establecemento de hostalaría situado na praza José Otero. Este establecemento, con case medio século de historia, rexorde nun novo proxecto impulsado por Pedro Álvarez, artista vilamartinés coñecido no gremio como OrdeCaos.
Aposta por unha imaxe e un nome renovado para un local que abrían décadas atrás os seus avós. Agora el colle o relevo xunto á súa parella cun novo enfoque e estreando unhas instalacións rediseñadas.
A apertura, na que tamén actuaba o seu avó Bautista coa charanga na que toca, incluía diferentes propostas para o público como unha ampla e colorista exposición de láminas e música en vinilo, entre outras.
Fotos e vídeo: O SIL.
