Un total de dez referencias resultaba premiadas na XXV Cata dos Viños de Valdeorras, que se celebraba na mañá do venres 28 de xuño, se ben non se desvelaban ata a tardiña do 29 de xuño, nun acto celebrado no Complexo Hostaleiro Paladium.
A cerimonia, que se ía intercalando con actuacións de músicos de AMAVA, comezaba coa intervención do presidente do CRDO Valdeorras, José Ramón Rodríguez, quen puxo en valor a loita por “sacar adiante cada colleita, froito do labor continuado dun sector cuxa máxima é sempre a búsqueda da calidade nas súas marcas”.
A partir de aí dábase paso á entrega, que resumimos en imaxes. A celebración continuaba cunha degustación de viños da D.O. Valdeorras, acompañados de petiscos.
Fotos: O SIL.
