A fuga de combustible dun vehículo estacionado na céntrica avenida Conde Fenosa do Barco mobilizaba pasadas as 21h. do luns 5 de outubro aos efectivos do Grupo de Emerxencias Supramunicipal (GES) Valdeorras e á Policía Local, que delimitaba a zona con cinta para evitar o tránsito de persoas.
A grúa municipal procedía a retirada do vehículo, mentres os efectivos do GES realizaban a limpeza de combustible na zona. Entre tanto, a Policía Local regulaba a circulación do tráfico por esta vía.
