A Garda Civil da Rúa, no marco da operación “Sarma”, procedía á detención onte de dous súbditos romaneses de 32 e 30 anos, veciños do Barco de Valdeorras, como presuntos autores dun delito de furto de cable de tendido eléctrico e por un delito de danos. O material subtraído e os danos están valorados en 157.426 euros.
Este furto afectou a 8 km de liña entre Sobradelo e Portela, no concello de Carballeda de Valdeorras, segundo informa a Garda Civil. Os detidos apoderáronse do cableado e levárono a un depósito oculto no monte.
