Despois de dous anos sen facelo por mor da pandemia, neste 2022 recuperábase a tradicional celebración da Virxe do Pilar, patroa da Garda Civil, con cultos en diferentes parroquias.
No caso do Barco de Valdeorras, era coma sempre a igrexa de Santa Rita a que acollía a partires das 12:30h. a misa. Unha eucaristía á que acudían os membros da Garda Civil neste concello valdeorrés (en activo e tamén xubilados), así como o xefe da Policía Local do Barco, Fernando Lozano e membros da corporación municipal.
Este ano ademais, como novidade, o párroco do Barco Jesús Álvarez convidaba á comunidade hispana que vive na vila valdeorresa, que despregaban as bandeiras dos seus respectivos países no interior do templo antes de comezar a misa.
Fotos e vídeo: Carlos G. Hervella.
Máis fotos sobre a celebración da Virxe do Pilar en Valdeorras: https://osil.info/a-garda-civil-da-rua-celebra-a-festividade-da-virxe-do-pilar/