Punto a punto, despois de moitas horas, esforzo e dedicación, as mulleres de diferentes aldeas do municipio da Veiga volven agasallar, por terceiro ano consecutivo, a veciños e visitantes coa singular, colorista e fermosa exposición “Tecendo soños”.
Ao longo desta xornada de luns 12 de agosto poderá desfrutarse en diversos puntos da vila de multitude de obxectos tecidos a man por integrantes da Asociación de Mulleres Rurais da Veiga: a Casa Meniñeiro, na Praza do Concello, na Casa do Maior, na Praza do Toural, nas proximidades da Oficina de Turismo, a rúa Pateira…
Dende paraugas, orixinais tendais, bolboretas, columpios, globos, sombreiros… enchían de cor e soños a vila. E mesmo vestían de tecido as rodas dunha bicicleta ou os estadullos dun antigo carro tradicional. A apertura da mostra tiña lugar ao mediodía nun concurrido acto na Praza do Toural da Veiga.
Fotos: Ares Pérez.
