ConcellosÚltima hora

A partir de mañá poderán solicitarse permisos para facer queimas agrícolas

Estas tarefas permanecían suspendidas ata o de agora debido ás condicións meteorolóxicas

 

A Consellería do Medio Rural permitirá de novo desde mañá xoves, día 25 de marzo, tramitar permisos para facer queimas de acordo coa normativa de aplicación, xa que as actuais condicións meteorolóxicas así o permiten. Isto significa que o sábado 27 será o primeiro día no que se poderán realizar queimas previamente comunicadas.

Polo tanto, a partir de mañá ás 00h. poderanse realizar as comunicacións e solicitudes de autorización de queimas a través da web da Consellería do Medio Rural de acordo co establecido no artigo 34 da Lei 3/2007, do 9 de abril, de prevención e defensa contra os incendios forestais de Galicia. Ademais, en días laborables, tamén estará a disposición dos cidadáns o teléfono 012 para comunicar as queimas.

Así, os cidadáns que desexen queimar restos agrícolas amoreados nas zonas que determina a devandita lei nos períodos habilitados deberán comunicalo dous días antes. No caso de queimas de restos forestais amoreados, deberase solicitar unha autorización, xa que o proceso de tramitación é maior. En todo caso, lembramos que as autorizacións e comunicacións deixan de ter validez nos días que hai vento e altas temperaturas.

Máis información, aquí: http://mediorural.xunta.gal/areas/forestal/queimas/

Artigos relacionados

Back to top button