Arredor das seis menos dez desta tarde de 19 de abril producíase un accidente de tráfico na estrada N-536 ao seu paso pola Proba (O Barco), nas proximidades da primeira rotonda saíndo da vila barquense. No sinistro víanse implicados dous vehículos e como consecuencia do alcance resultaban feridas dúas persoas.
Ata o lugar do accidente desprazábanse de inmediato os efectivos do GES Valdeorras, o 061-Urxencias Sanitarias, Garda Civil de Tráfico e Policía Local. As dúas persoas feridas eran trasladadas para recibir asistencia sanitaria.
