SanidadeÚltima hora

ADOS conmemora o Día Mundial do Doante de Sangue cunha homenaxe especial aos doadores galegos

Publicidade

 

Con motivo da conmemoración do Día Mundial do Doante de Sangue, institucionalizado pola Organización Mundial da Saúde (OMS), a Axencia de Doazón de Órganos e Sangue (ADOS) destaca hoxe a solidaridade dos doantes galegos. Nesta ocasión, a OMS escolle o lema “Doa sangue para que o mundo siga latexando”, destacando a esencial contribución dos doantes de sangue para manter o pulso ao mundo, salvar vidas e mellorar a saúde dos demáis.

“Neste 14 de xuño, Día Mundial do Doante de Sangue, ADOS quere compartir un sentimento que nos une: a solidariedade. Grazas a todas as persoas que neste complicado ano vos achegáchedes a doar. Grazas aos traballadores e traballadoras que fixéchedes da vosa profesión unha maneira de vivir para axudar aos demáis. Grazas a todas as entidades, aos concellos, centros educativos, empresas, irmandades de doantes e a todos os colectivos que día a día, desde hai máis de dúas décadas, teñen contribuído a crear unha conciencia solidaria proclive a doazón de sangue en Galicia”, din dende a entidade.

Nesta ocasión, ADOS quere facer unha homenaxe a todos eles mediante a emisión dun vídeo especial, que poderase ver a través das redes sociais da Axencia de Doazón de Órganos e Sangue (Facebook, Instagram, Twitter e canle de YouTube).

 

 

Iluminación edificios

Os concellos das grandes cidades de Galicia queren sumarse á conmemoración do Día Mundial do Doante de Sangue, polo que edificios e localizacións significativas das principais cidades galegas, iluminaronse en cor vermella para salientar o labor xeneroso e vital que realizan, todos os días, centos de cidadáns que doan sangue para permitir que moitos enfermos solucionen graves problemas de saúde.

As zonas iluminadas esta madrugada foron O Pazo de Raxoi de Santiago, o Teatro Jofre de Ferrol, a fachada da Casa do Concello (Pontevedra), a Fonte de Cuatro Caminos da Coruña e as Fontes da Rúa Aragón de Vigo. Ao longo desta fin de semana tamén ilumináronse a Ponte Vella de Ourense e a Torre de Hejduk da Cidade da Cultura de Santiago.

ADOS manifesta o seu recoñecemento a todas as persoas que doaron sangue no 2020 e ao longo do presente ano que, a pesar da situación excepcional que estamos a vivir, son conscientes do valor vital que supón facer unha doazón de sangue.

Artigos relacionados

Back to top button