Recén iniciada a segunda volta da liga en Preferente Galicia, o CD Barco segue reforzando o plantel con dúas novas fichaxes.
A primeira é a do dianteiro Gonzalo Álvarez procedente do Pontevedra e “xogador revelación o ano pasado no Xuvenil de Ponteareas con 22 goles no seu primeiro ano sénior”, asegura o presidente do club barquense, Nilo Ramos.
A segunda fichaxe é a do valdeorrés Alberto Conde que xa estivera en varias etapas no CD Barco antes de fichar polo CD Córgomo Vilamartín. Conde vén cubrir a baixa do porteiro Pacho “que marchou para Santiago por temas laborais”, di Ramos.
