Ata a arte contemporánea, situada a pé de rúa nestes días no Barco, achegábanse dous grupos de alumnos do CEIP Otero Pedrayo de Viloira. Así na mañá deste 25 de setembro 30 escolares de entre 4 e 6 anos e outros 29 de entre 7 e 8 anos percorrían algunhas das instalacións da segunda edición de enBarcArte, guiados polo curador do festival, Jorge Barredo.
Ademais de velas, os nenos tamén interaccionaban con elas. Nestas imaxes pode verse ao alumnado xunto ás obras “Igloo” do barquense Griseo (praza Maior), “Espectadores do ceo” de Sofi Modebadze (praza do Sagrado) e “Eco-Folie” de Surya Namaskar (praza do Concello).
Fotos: Jorge Barredo.
