Continúan os actos da 50ª Festa da Bica de Trives neste domingo 30 de xullo. Así ás 8h. saía dende a praza Maior de Trives a subida ecuestre ata Cabeza Grande de Manzaneda, con 24 cabalos. Entre os participantes nesta ruta a cabalo había persoas da zona, pero tamén doutros lugares como Quiroga.
Ademais, ás 8:30h. comezaba, tamén dende a praza Maior trivesa, a andaina cun total de 45 inscritos. O traxecto, no que se contaba coa colaboración da Policía Local e de Protección Civil de Trives, remataba ao chegar á estación de montaña, onde se situaba un posto de avituallamento. Despois, os camiñantes eran trasladados en autobús ata a Cabeza Grande de Manzaneda, onde se celebraba a romaría.
Fotos: Carlos G. Hervella.
