Novo ano, nova edición e novos apoios. O proxecto deportivo e solidario da Carreira das Cidades contra o Cancro de Páncreas de Valdeorras continúa sumando adhesións. Desta volta era o plantel do Pizarras los Tres Cuñados FS o que vestía no pavillón municipal de Calabagueiros, no Barco, as camisetas moradas co lema da cuarta edición desta cita benéfica, que se celebrará do 18 ao 21 de novembro nun formato similar ao do ano pasado.
O conxunto valdeorrés amosaba o seu apoio a esta cita solidaria, durante o partido de liga disputado na tarde deste sábado 23 de outubro ante o Bueu no que lograba a primeira vitoria (7-5) da tempada en Terceira División, con 2 goles de Martín, outros 2 de Borja, 1 de Raúl, e 2 de Javier
Fotos: Mónica G. Bellver