Mañá volven as tertulias do Instituto de Estudos Valdeorreses ao Casino do Barco. Será a partir das sete e media da tarde no primeiro andar do Casino e nesta ocasión xirará en torno ás orixes de Valdeorras.
O programa arrancará coa benvida por parte dos presidentes do Casino e do IEV, Pablo Dobao e Aurelio Blanco Trincado, respectivamente, e de seguido proxectarase o filme ‘Valdeorras’, producida polo IEV en 1975, cun percorrido pobo a pobo pola comarca de hai medio século. A peza está gravada en branco e negro e ten unha duración de 30 minutos.
Trala proxección terá lugar a tertulia-comentario sobre as orixes de Valdeorras e unha declamación poética a cargo de Fernando Santos, membro do IEV.
O acto inclúe unha exposición de ampliacións de fotos do grupo ‘Los Escarbadores’, protagonistas e descubrimentos.