Son 12 km de percorrido pola natureza pero tamén pola memoria mineira valdeorresa. Na mañá do domingo 30 de xuño medio cento de persoas participaban nunha andaina deportiva e turística que percorría a canle construída hai dous mil anos por Roma para abastecer de auga a mina de ouro de Vilanuide (Quiroga), tomando ese líquido elemento do río Xares, en terras valdeorresas.
A iniciativa estaba promovida pola Asociación de Veciños a Rabiosa de Portela. A ruta, cun trazado circular, iniciábase na Portela de Portomourisco (Petín) e discorría pola canle romana e tamén por zonas de O Seixo (O Bolo).
A organización contaba coa colaboración de Protección Civil de Petín.
Fotos cedidas.
