O vindeiro sábado, 11 de novembro, o Concello de Verín celebrará un magosto popular na Praza Maior da vila.
Os asistentes ao evento, que comezará ás 19:30 horas, poderán degustar castañas de balde e desfrutar dunha divertida xornada de festa con foliada a cargo da Banda de Gaitas Municipal do Concello de Verín e da Banda de Gaitas Nova Era, segundo indica Manuel Lorenzo, concelleiro responsable da área de Feiras.
