O guitarrista Marcos Díaz actuaba na tarde do 26 de agosto nun escenario excepcional, o mosteiro románico de Santa Cristina de Ribas de Sil (Parada de Sil). Recoñecido pola sua elegante musicalidade, mestría técnica e rigor estilísitco, este intérprete está considerado un dos mellores guitarristas clásicos da súa xeneración.
Foi Premio Extraordinario Fin de Carreira de Guitarra no Real conservatorio Superior de Música de Madrid e ten participado como solista en importantes salas de concerto e nalguns dos festivais e cilos de guitarrra mías renombrados de Europa, en Italia, Alemania, Polonia, Portugal e EE.UU.
Con aforo completo no mosteiro, e co público totalmente entregado, interpretaba un programa que ía dende Scarlatti ata pezas do século XXI de Jorge Morel, pasando por Albéniz e Joaquín Rodrigo.
“Como vén sendo habitual, o Concello de Parada de Sil aposta en firme pola cultura”, tal e como manifesta o seu alcalde, Aquilino Domínguez. Esta vez este concerto estaba organizado exclusivamente polo Concello.
Fotos cedidas.
