Este era un dos actos do programa da Semana Cultural que cada verán organiza nesta localidade do Barco a Asociación C. O Mosteiro
Da historia do Camiño de Inverno a Santiago de Compostela falaba na tarde do pasado 12 de agosto en Vilanova (O Barco) o investigador valdeorrés do CSIC Isidro García Tato. Esta conferencia enmarcábase no programa da Semana Cultural de Vilanova, organizado pola Asociación Cultural O Mosteiro que mantén esta tradicional actividade coincidindo coas festas patronais na honra á Virxe da Asunción nesta localidade.
O programa incluía asemade diversos xogos, algúns deles tradicionais, para nenos e maiores, así como proxeccións de cinema, entre outras propostas.
Nesta galería de fotos pode verse a Isidro García Tato (foto de Carlos G. Hervella) e dous momentos da conferencia en Vilanova (fotos cedidas).
