Será promovida o 18 de novembro por De Nai a Nai e impartida por Ana María García, asesora legal e consultora especializada
O local do “Grupo de Apoio á lactancia e crianza con apego. De Nai a Nai”, situado no segundo andar da Casa da Xuventude do Barco, acollerá o 18 de novembro ás 17:30h. unha charla-coloquio sobre “Os dereitos do neno hospitalizado”. Nela a vianesa Ana María García, asesora legal e consultora especializada en igualdade de xénero e dereitos das mulleres, abordará cuestións como se un pai ou nai pode acompañar ao seu fillo mentres lle realizan unha proba médica ou lle colocan un soro ou se pode permanecer continuamente con el no caso de estar ingresado nunha UCI pediátrica.
Esta charla será organizada por De Nai a Nai en colaboración con Femlegal.