A Oficina Agraria Móbil da Consellería do Medio Rural impartía hoxe un curso formativo sobre poda en viñedo no concello ourensán de Monterrei. Os alumnos que participaron nesta sesión formativa contaron cunha parte teórica e outra práctica, con labores de poda que desenvolveron en parcela.
Esta oficina móbil, posta en marcha o ano 2021, “é un servizo pioneiro de proximidade para facilitar a xestión de trámites no rural, na que ademais poden recibir formación e información arredor de todo o relacionado coa actividade agrogandeira”, segundo a consellería.
