Actuará o venres 13 de maio na sala barquense Baranda e o domingo 15 en Viana do Bolo
Composicións propias, tamén versións e un estilo moi persoal. O cantautor Emilio Rúa, natural de Riós, achega a súa música por partida dobre ao oriente ourensán. O vindeiro venres 13 de maio tocará a partires das 23:30h. na Sala Baranda do Barco.
Dous días despois, o domingo 15 de maio, dará un concerto en Viana do Bolo dentro do programa das Letras Galegas deste concello. Así, presentará o seu último disco “Querida Alegría” nunha actuación ás 21 h. (con entrada libre) na Casa da Cultura vianesa.