A organización dos XVIII Premios Zarcillo, celebrados en Valladolid, vén de desvelar os nomes dos premiados nesta edición. Uns 85 catadores de gran prestixio internacional valoraban durante catro días as 1.610 mostras procedentes de 33 países dos cinco continentes que se presentaban nesta edición.
Entre os viños galardoados figuran nesta ocasión dous da Denominación de Orixe Valdeorras, que lograban dous Zarcillos de Prata 2021. Trátase do Joaquín Rebolledo Mencía 2020 e do Joaquín Rebolledo tinto barrica 2019, da adega ruesa Joaquín Rebolledo.
