Rozando as oito da tarde deste domingo producíase un accidente de tráfico na estrada OU-533 (A Rúa-A Gudiña) á altura do municipio do Bolo. Un vehículo saíase da vía no cruce de Chandoiro. Como consecuencia do accidente resultaban feridos os dous ocupantes do vehículo.
Ata o lugar do sinistro desprazábanse de inmediato os voluntarios de Protección Civil do Bolo, o GES da Veiga, o 061-Urxencias Sanitarias e a Garda Civil de Tráfico. As dúas persoas feridas eran trasladadas en ambulancia para recibir atención sanitaria.
Fotos: Protección Civil O Bolo.
