En dúas ocasión subíase ao podio Mónica Yáñez Pérez (Club Adas Cupa do Barco) no XXXV Campionato de España máster short track, que se desenvolvía na pasada find e semana no Velódromo A. Elorza de San Sebastián.
A valdeorresa sumaba na competición dúas medallas de prata, unha delas no pentatlón F45 (que inclúe as probas de 60 m valados, altura, peso, lonxitude e 800 m) e outra en altura. E iso pese a que competía arrastrando unha lesión, o que non lle deixaba tampouco adestrar en condicións para este nacional. “O resultado está ben e estou moi contenta de volver con dúas pratas, pero tamén é certo que estiven por baixo das miñas marcas persoais debido a unha lesión e non me encontrei ben ao competir”, comenta Mónica Yáñez, que dende hai dous anos non acodía a un Campionato de España.
Outro factor que tampouco axudaba á atleta nesta cita deportiva era o frío e a humidade durante a competición.
Fotos cedidas.