CulturaCulturaÚltima hora

Enigmas de medo, decoración de cabazas e festa na biblioteca para celebrar o Samaín no Barco

A festa infantil celebrarase o 30 de outubro e inclúe xogos, música, malabares e contos

A concelleira de Cultura do Barco, Margarida Pizcueta, na presentación do Samaín 2019. /Foto: Mónica G. Bellver.

 

Un ano máis a Concellaría de Cultura e Educación do Barco de Valdeorras pon en marcha as actividades para celebrar o Samaín o vindeiro 30 de outubro.

A primeira, dirixida ao alumnado da ESO, é un Concurso de Enigmas de Medo. Os participantes deberán presentar un pequeno misterio que a través de poucas pistas faga pensar e xogar buscando a resolución dun asasinato, desaparición ou acontecemento inquietante. É necesaria inscrición e a data límite para a pesentación dos escritos será o 29 de outubro na Biblioteca Florencio Delgado Gurrirarán. O premio para o gañador é entradas para o Parque Warner de Madrid.

A segunda actividade, prevista para o 26 de outubro, é un obradoiro de decoración de cabazas e nabos. Previa inscrición será de 11 a 13h. na biblioteca para nenos de entre 6 e 11 anos que deberán levar a cabeza, material de  decoración e mandilón.

E xa o 30 de outubro a partir das 18h. celebrarase a Festa de Medo da Biblioteca, con disfraces, xogos dirixidos por animadores, malabares, música, contos e a resolución do Concurso de Enigmas e os xogos cos mellores.

Na presentación do programa, a concelleira de Cultura Margarida Pizcueta convidou aos nenos a participar. “Que veñan máis nenos e menos maiores porque os pequenos desfrutan máis sen os pais”, dixo.

Artigos relacionados

Back to top button