Hai unha semana apagábanse as chamas do incendio de Viana do Bolo. Era o último lume en extinguirse da vaga que asolaba a comunidade. A desolación e destrución que deixaba ao seu paso é se cabe agora máis patente cando se observa un monte ennegrecido e sen vida. Ademais poden verse imaxes sumamente impactantes deses efectos destrutivos dos incendios forestais como é o caso da deste cervo.
Aínda que esta imaxe pertence a eses incendios de hai unha semana, esta ameaza segue moi presente no oriente ourensán. Así onte mesmo producíase un novo lume en Viana do Bolo, na parroquia de San Mamede, que quedaba extinguido ás 21:10h. e que queimaba unha superficie de 48,65 hectáreas, segundo a Consellería do Medio Rural.
Foto cedida.
