Ao longo de case dez paneis pode percorrerse a historia sanitaria ourensá dos últimos 25 anos. Cada un deles forma parte da exposición instalada no Hospital de Verín e coa que se conmemora o cuarto de século da transferencia das competencias sanitarias á Comunidade Autónoma de Galicia. Inaugurábase na mañá do 9 de maio coa presenza da xerente de xestión integrada ourensá, Eloína Núñez, así como da actual xerente do Hospital de Verín, Guillermina Agulla, así como dun dos seus anteriores xerentes, Enrique Isaac Pérez, entre outras persoas.
Nos paneis faise un repaso pola traxectoria e evolución en materia de estrutura e xestión sanitaria, facendo especial fincapé en cuestións como a Atención Primaria e, no caso da zona de Verín, a creación deste hospital comarcal.