Esta mañá un home falecía tras sufrir unha picadura de avespa no lugar do Coruxal no concello ourensán de Melón. Unha dotación médica a bordo do helicóptero con base en Ourense acudiu ao lugar, pero nada puideron facer por salvarlle a vida.
O 112 Galicia recibiu información sobre esta intervención ás 10:30 horas desta mañá da parte do persoal de Urxencias Sanitarias de Galicia-061, que tiñan en marcha o operativo de asistencia, e pedían colaboración para a aterraxe do helicóptero medicalizado.
Así, informouse aos axentes da Garda Civil e aos voluntarios de Protección Civil de Melón. Finalmente, comunicaron que o home faleceu.