A Consellería de Sanidade vén de notificar o falecemento nas últimas horas en Galicia de dez persoas que foran diagnosticadas por coronavirus, unha delas na provincia de Ourense. Trátase dunha muller de 92 anos, que estaba ingresada na Residencia Nosa Sra. de Barbadás.
Tamén falecía unha muller de 85 anos que estaba ingresada no Hospital de Monforte. Ademais perdían a vida outras oito persoas en Galicia: un home de 56 anos, un home de 80 anos, un home de 77 anos e unha muller de 84 anos no Complexo Hospitalario Universitario da Coruña; unha muller de 87 anos (procedía da Residencia Santa Olalla de Boqueixón) no Complexo Hospitalario Universitario de Santiago, unha muller de 81 anos (procedente da Residencia DomusVI Ribadumia) no Hospital do Salnés, un home de 83 anos (da Residencia de Salvaterra de Miño) no Complexo Hospitalario Universitario de Vigo e unha muller de 83 anos no Complexo Hospitalario Universitario de Ferrol.
