O pavillón municipal de San Clodio (Ribas de Sil) acollerá na vindeira fin de semana, dos 2 e 3 de marzo, a II Feira de oportunidades do Xeoparque Montañas do Courel. “Haberá tendas de roupa, calzado, libros, electrodomésticos, etc…”, adiantan dende a organización, en mans da Asociación de Empresarios e Comerciantes do Xeoparque Montañas do Courel coa colaboración dos Concellos de Ribas de Sil e Quiroga.
Así mesmo, o programa inclúe propostas para os cativos como é unha ludoteca os dous días pola tarde de 16:30h. a 18:30h. e para os adultos está previsto un taller de macramé.
