Aprender e compartir os saberes tradicionais e os seus sabores é unha das propostas para este verán da Asociación Os Torgueiros da Gudiña. O vindeiro 8 de xullo ás 17h. organizarán unha “Fornada de Vrau” no Forno do Cabo da Aldea.
Deste xeito queren a amosar e facer partícipes aos asistentes de como fai o pan en comunidade, xuntándose nunha fornada comunal que celebrará a súa segunda edición, tras o éxito da organizada no ano 2022.
Dende asociación anímase a acudir e a “aprender a facer pan e boliños preñados! Se traedes o voso recheo podedes facer empanada, e mesmo aproveitar o forno roxado para meter un asado”. Para poder participar nesta actividade haberá que facer unha aportación de 7 euros, no caso de ser socio, e 10 euros para os non socios.
